الإنشقاق الكاذب ( كدة وكدة )1

ده شق في الأرض بس مش عارفين هو سطحي ولا عميق لتحت

بنحس كلنا بالذنب وبنقلق لما نتناقش في موضوع الإنشقاق عن جماعة الإخوان المسلمين

انا في الحقيقة زيكم ولكن خلونا نتجرأ ونتكلم وناقش اللي بنخاف منه عشان نعرف الأمور رايحة فين وجاية منيين

في الحقيقة هنتكلم على اساس كذا حاجة

1- المنشقين

2- هل الإنشقاق فعال مع الجو السياسي في مصر ؟؟ الإنشقاق الكاذب

3- المجمدين

4- سلوكيات ما بعد الإنشقاق والتجميد ( من الطرفين الجماعة ومن المنشقين عنها ) 1

5- جبل الثلج

6- النموذج التركي

وبعدين نجاوب على سؤالين

7- هل الإحتواء اولى والبحث عن التجديد الداخلي أم الإنشقاق والتجديد في كيان جديد أفضل ؟؟

8- والحفاظ على كيان الجماعة هل هو حقيقي ؟؟؟؟؟؟

بس قبل كده احب إني اقول إني مش مجمد ولا منشق والأمور إلى حد ما ماشية كويس معايا

وإني من الناس اللي مقتنعة إن اللي مش قابل أفكاري براحتة ممكن ينشق هو عن الجماعة

1-المنشقين

من زمان والجماعة فيها خلافات داخلية بين القيادات من ايام النظام الخاص ولحد النهاردة

والخلافات دي حاجة طبيعية

لكن اللي مش طبيعي هو إننا بنلاقي الخلاف ده بيتطور لعناد قيادي بيأدي لوجود إزدواجية في القرارات

زي موضوع حزب الوسط مثلا

الأخطر من كده

إن الجانبين ليهم ارضية إتفاق كبييرة

لكن إختلفوا في الأليات

هل الموضوع هو خلاف في الأليات ولا هو حاجة أعمق ؟؟

يعني هل مثلا بتوع حزب الوسط كان موضوع حزب الوسط هو القشة التي ما اعرفش إيه في البعيير

ولا الموضوع ليه جزور تانية ؟؟؟

لأن حتى البرنامج اللي بيتبنوه هو برنامج الإخوان مع حذف مجموعة مصطلحات

وفي نفس الوقت اللي كان بيتبناة مجموعة الوسط من عشر سنين تبنتة الجماعة الأن !!!!!!!!!!!!1

يعني لا هم قدموا حاجة جديدة ولا الجماعة قدمت بعد عشر سنين حاجة مختلفة !!!!!!1

بمعنى اخر الموضوع مش خلاف على موضوع الحزب واضح إنه اعمق وهو ده اللي بتكلم فيه

2- الجو السياسي والإنشقاق

طبعا اي حد عاوز ينشق عن الإخوان بيسأل نفسة سؤال مهم

انا هعمل إيييه ؟؟

لإن اللي إشتغل مع الإخوان لفترة ما بيقدرش يسبهم ويقعد في البيت ويبقى مواطن صالح على رأي مجدي سعد

لكن بيصدم بالنظام السياسي بتاعنا لإنه قافل الحياة السياسية كلها

يعني لما تنشق عن الإخوان

إعمل جماعة تانية

أو إعمل حزب بس بشرط يكون بيحبة صفوت بية وزكريا بية ومؤخرا جمال بية

يعني من الأخر اللي بينشق مش هيعرف يعمل حاجة

وده اللي اوجد ظاهرة " المجمدين "1

3- المجمدين

في ناس كانوا ليهم وضع كبيير قوي سواءكانوا نقابيين مبدعبن أو إعلاميين ولا غيرهم

يعني إيه يكونوا مجمدين ؟؟

معقول ممكن يصل الخلاف لدرجة إن الواحد يجمد نفسة او إن الجماعة تجمدة ؟؟

إيه اللي بيحصل وبسبب إيه ؟؟

هل العامل التربوي زي ما الجماعة اليمينيين في الجماعة ما بيقولوا ؟؟

ولا ما فيش إحتواء للأخر إلا عند حدود معينة ؟

وبعدين لما هو إتجمد طب كده هو بيعمل إيه في الجماعة

بيحضر الأسرة ويعمل الورد بقى وكده !!!!!!!!1

إيه الكلام ده ؟؟

ولا هم المجمدين دول عارفين إنهم مش هينفع يسيبوا الجماعة فقاعدين لحد ما ربنا يفرجها ؟؟

معلش خلينا نتكلم بصراحة اكتر

في عندنا مثلا شخصيات وبدون ذكر اسماء وهم من الناس يتكلموا إعلاميا بشكل ممتاز

هل حجمهم الإعلامي بيعكس حجمهم التنظيمي ؟؟؟؟؟؟

أنا في رأيي لأ طبعا

طب سؤال تاني هل الشخصيات دي2007 هي نفسها 1987

ردوا إنتوا بقى !!!!!1

هم طبعا مش مجمدين وهم من القيادات الكبيرة لكن بنتكلم عن وضع معين ليهم

طب هو إنتوا مش تتفقوا معايا إن المجمدين دول ممكن نقول عليهم هم كمان ( منشقين ) بس جو الجماعة ومش بإرادتهم

النموذجين دول ( المنشقين والمجمدين ) بيأكدوا إن الإنشقاق ده غير حقيقي لأنه لم يؤد إلى شئ جديد

يعني إنشقاق كده وكده

وكاذب لا تعني الكذب لأ تعبيير عامل زي الحمل الكاذب كده

يلا نفتح باب النقاش مع بعض عشان نوصل لمفهوم يساعدنا

في باقي النقاط المرة اللي جاية واللي هية

سلوكيات ما بعد الإنشقاق وجبل الثلج والنموذج التركي والسؤاليين الأخرويين المهمين اللي في المقدمة

وبأكد تاني

الموضوع مش شخصي

واللي شايف إن إحنا بنقول كلام مش كويس هو حر في رأييه لكن بلاش يلبس ثوب إن هو الجماعة وإن الأخرين منشقين عنها

لأن بصراحة الثوب ده هو اللي بيأخرنا وبيزود المشاكل

عاوزين نواجه المشاكل مش نهرب منها إلى كلام المسكنات بتاع الناس اللي بتحب تجامل

الجماعة دي مش بتاعت حد

اللي ممكن يعمل نفسة هو الجماعة النهاردة ممكن نلاقيه سايبها بكرة

عاوزين نتكلم بصراحة بس بلاش حجارة مجدي سعد

وعذرا على الإطالة

و المرة الجاية نكمل الموضوع

وياريت لو نقرا حوار دكتور عبد المنعم في الدستور يوم الخميس اللي فات

المهم لحد المرة اللي جايا عاوزين نعرف

هو الإنشقاق صح ولا التجميد ولا الإتنيين ولا الإتنيين غلط ؟؟

ولا وهو اصلا ما فيش مشكلة خالص

والمجمدين والمنشقين دول لا يمثلوا نسبة تستحق النقاش ؟؟؟؟؟؟؟؟

الحزب تغيير مبادئ ولا إعلان مبادئ

هو وقتة ولا مش وقتة ؟؟؟؟

بصراحة الضغط الأمني والظلم الواقع على الإخوان وعلى الناس كلها بيخلي الواحد ملوش نفس يتكلم او يقرا

لكن في الحقيقة مع إقتراب إعلان برنامج حزب الإخوان " كان المفروض من فبراير اللي فات " لازم نقول اللي عندنا لإن الهجمات مش هتخلص و "وإذا كان اللي بنشوفة سيئ فاللي جاي أسوأ " وعلى رأي الأستاذ ضياء رشوان الشيطان الأكبر في القوانين وفي رأي الشيطان الأكبر لما يحصل اللي كلنا مستنينة والراجل الصغير يبقى مكان الكبير

المهم

هنتكلم بلغة بسيطة وتطبيقية بعيدا عن الفلسفة السياسية

إجابات عشوائية

دخلت في حوارات مع ناس كتير من الإخوان ومن غير الإخوان عن برنامج الحزب وسيناريوهات العمل لو كان في فرصة حقيقية لتكوين حزب للإخوان وبتفاجئ بكلام غريب قوى

مثلا بتكلم مع واحد " وهو مثقف جدا و سياسي " بتكلم معاه عن دور الجماعة لما يتشكل الحزب هل هتسيطر عليه ولا هو اللي يسيطر عليها ولا إيه الوضع

رد علي بكلام عشوائي بإن الجماعة لازم تراقب أداء الحزبيين عشان ما يخرجوش عن المبادئ !!!!!!!!!!!1

طب إزاي هتراقبهم يعني الواحد مثلا رايح يحضر كممثل عن حزب الإخوان في مؤتمر يروح يستأذن الجماعة ولا الحزب يعني مثلا يروح لنقيبة في الأسرة ولا مسئول المكتب الإداري في المحافظة ؟؟؟؟؟؟؟؟؟؟؟

ودخلت مع إخوة في حوارات عن نفس الموضوع اختصرها في الأسئلة اللي جاية

لو الراجل ممثل الحزب ده مش من الإخوان مش هنخلية يمثل الحزب ولا هندخلة الحزب كدة وكدة ؟؟؟؟؟؟؟؟

طب لو كان الراجل ده مسيحي هتعمل الجماعة إيه ؟؟؟؟؟

طب لو إترشح للرئاسة صفوت الشريف أو الدكتور رفيق حبيب الحزب هيأيد مين ؟؟؟؟؟

طب تأييد رفيق حبيب مش معناه إن الولاية العامة هتكون مع غير المسلم ؟؟؟؟

ولا ننتخب محمد صفوت الشريف ؟؟؟

ولا نقاطع ؟؟؟؟؟؟؟؟

طب في حاجة تانية اهم هنخلي مسئول المرأة في الحزب راجل ولا واحدة ؟؟؟؟؟؟؟؟

يعني هنخلي الأخوات في قسم المرأة وينتخبوا ممثلة حزبية ولا ننتخبلهم إحنا ممثل راجل ؟؟

طب نفترض في واحدة معجبة بمبادئ الحزب بس مش عاوزة تكون من الأخوات و بتلبس ضيق شوية

هنمنعها من العضوية ولا هنحط شروط لملابس عضوات الحزب ؟؟؟؟؟؟؟؟؟؟؟؟؟؟

طب نفترض العضوة دي رشحت نفسها في الإنتخابات الداخلية للحزب هيتفق الأخوات بينهم وبين بعض على واحدة تانية ولا هيمارسوا حياة حزبية بعيدا عن الإعتبارات الأخرى للجماعة ؟؟

طب هو إيه موقف الحزب من ترشح أحد عضواتة لرئاسة الجمهورية ؟؟؟

يعني بصراحة إيه موقف الحزب من الولاية العامة للمرأة ؟؟؟

طب شعار الحزب هيفضل " الإسلام هو الحل " ولا ممكن نقول شعار تاني

وبعدين صحيح سؤال أهم من ده كله

عضوية الحزب هتكون فيها عوامل تربوية ولا سياسية وبس ؟؟؟؟؟؟؟؟؟؟؟؟

ولو قلنا لازم يكون في تربية كأحد شروط العضوية والترقي الإداري للحزب طب الأعضاء الأقباط هنربيهم على إيه ؟؟؟؟؟؟؟؟؟

وسؤال مرتبط بالسؤال ده هي الجماعة هتروح فين لو قلنا إن الحزب هيكون مستقل وما فهوش مراقبة سياسية؟؟؟؟

طب مشروع الجماعة " العالمي " المرتبط بمفهوم أستاذية العالم المشروع ده مين هيرعاة لو تحولنا لحزب بشكل كامل ؟؟؟؟؟؟؟

طب الأهم بقى من ده كله

لو كونا الحزب هل هنحل الجماعة ؟؟؟؟؟

ناس بتقول لأ طبعا

طب الجماعة دي هتفضل سرية والحزب " الرسمي " بيتبعها ؟؟

ولا يبقى الحزب هو الكيان السياسي للجماعة ؟

والكيان التربوي يتحول لجمعية أهلية ؟؟

طب لو إفترضنا ده

إيه شكل العلاقة بين الجمعية الأهلية اللي بتقوم بدور تربوي وثقافي وإجتماعي بالحزب السياسي؟؟

طب إحنا الحزب بتاعنا هيكون مدني ولا ديني ولا مدني وله مرجعية إسلامية ولا حزب إسلامي وبس ؟؟؟

طب المرجعية الإسلامية هي الحفاظ على مقاصد عامة للشريعة ؟؟؟

ولا المرجعية هي شمولية كل شيئ ؟؟؟؟

طب الإسلام هو الحل إزاي نترجمة لتفاصيل الوضع في مصر من غلاء المعيشة والفساد المالي والإداري والسياسي ومشاكل إقتصادية زي البطالة ومعاناة العمال بعد الخصخصة والخصخصة دي من الإسلام ولا لأ وموضوع العشوائيات وغيرة وغيرة كتيييير ؟؟؟؟؟؟

طب برنامج الحزب هيكون الحفاظ على المقاصد العامة للشريعة الإسلامية وبس ؟؟؟؟

ولا هيكون الحفاظ على المقاصد هو جزء من برنامج الحزب وباقي البرنامج بيحل بشكل عملي وتطبيقي مشاكل الناس؟؟؟؟

للأسف لو طرحنا الأسئلة على مجموعة مننا كإخوان هنسمع إجابات غريبة ومتناقضة وأحيانا مش هنلاقي إجابات

واضحة وهنلاقي كلام غريب

ليييييييييييييية؟؟؟؟؟؟؟؟؟؟؟؟؟؟؟؟

لأننا من زمان وإحنا بنعلن مبادئ عامة بتحقق توافق اكبر وبنتجنب المبادئ التطبيقية

ولإننا عندنا خلفيات ثقافية مختلفة جيل من ايام الإمام الشهيد حضروا بطش الثورة وجيل تاني من السبعينات عاشوا نسبيا الحياة العامة ومتطلباتها وجيل في النص كده عاصر بداية الثمانينات وعاصر أفكار الجماعات الإسلامية ونشأوا في جو فكري متقلب وغير مكتمل النضج وشباب بيعيش واقع مجتمعي وسياسي وإقتصادي خانق بجانب معاصرتة لثورة المعلومات

ولإننا من كتر ما بنحافظ على حاجات معينة أصبح عندنا الوسائل هي المبادئ " الأهداف " والتمسك بالوسائل دي بقى من الثوابت يعني بتلاقي ناس بتتخض لو حد قلها ممكن نتناقش في تغيير شكل الجماعة

وناس بتتفزع لو حد قلها هناقش جدوى شعار " الإسلام هو الحل "1

والاهم من ده كله غياب الجانب التطبيقي للإسلام في حياتنا لفترة زمنية طويلة

مبادئ ولا وسائل ؟؟

هذكر بس موقف غريب

في إنتخابات 2005 كنت بسمع خطاب إنتخابي لأحد الإخوة المرشيحن ولقيتة بيقول " يا إخونا إنتوا لما بتصوتوا مش بتصوتوا على حد إنتوا بتصوتوا على لا إاله إلا الله "!!!!!!!!!!!!!!!!!!!1

مش عارف بصراحة إيه علاقة التصويت على الدكتور فلان بلا إله إلا الله

ليه الخلط ده اللي بيضرنا اكثر ما بينفعنا ؟؟؟

ولا التمسك بالشعار وصل لدرجة إننا نقول حاجات قد تكون موضع نقد شديد

إختلطت عندنا المبادئ والأهداف بالوسائل

فخفنا من تغيير الوسائل ظنا منا اننا نغير المبادئ !!!!!!1

عجبني في الموضوع ده مقال استاذ ضياء رشوان عن المراجعات

http://208.109.248.104/article.aspx?ArticleID=55874

كل الأسئلة اللي فاتت لازم يجاوب عليها برنامج الحزب

عارفين إنه مش هيتوافق علية من النظام طبعا

بس البرنامج ده هو أول إعلان تفصيلي لمبادئنا كإخوان

ولسة لينا عودة عن الموضوع ده

أعتذر للجميع عن غلق المدونة لفترة طويلة "1 "

الرئيس مبــارك ورئــيس الوزراء ابــو الفتــوح

مبارك

أبو الفتوح

قرار رئيس الجمهورية رقم "82"لسنة 2010

قرر الرئيس محمد حسني مبارك رئيس الجمهورية ما يلي

بعد الإطلاع على الدستور والقانون

والذي ينص على ان تشكل الحكومة بقرار من رئيس الجمهورية

على ان تحصل على تأييد % 50 +1 من السادة اعضاء مجلس الشعب

وبناء على نتيجة الإنتخابات لمجلس الشعب لعام 2010

وبعد توافق كل من

حزب الإخوان المسلمين والحاصل على 135 مقعد

الحزب الوطني والحاصل على 56 مقعد

حزب الكرامة والحاصل على 29 مقعد

حزب الوسط والحاصل على 26 مقعد

بعد توافق الأحزاب الأربعة فيما بينها على تشكيل حكومة إئتلاف

وحيث ان مجموع الأحزاب الأربعة مجتمعة هو 246 مقعدا بما يكفل اغلبية كافية ومستقرة لتشكيل الحكومة

بناء على ما سبق

وافق السيد الرئيس محمد حسني مبارك على التشكيل المقترح من الأحزاب الأربعة على ان يعرض

على مجلس الشعب في اول جلسة للتصويت عليه

وبيان المجلس على النحو التالي

الدكتور عبد المنعم ابو الفتوح رئيسا للوزراء

الدكتور ضياء رشوان وزيرا للثقافة

السيد حمدين صباحي وزيرا لشئون مجلسي الشعب والشورى

الدكتور عصام العريان وزيرا للخارجية

الدكتور رشيد محمد رشيد وزيرا للصناعة والتجارة

الدكتور فاروق الباز وزيرا للتعليم العالي والبحث العلمي

السيد جمال مبارك وزيرا للشباب

المهندس أبو العلا ماضي وزيرا للتنمية المحلية

الدكتور رفيق حبيب وزيرا للإعلام

الدكتور حسن النافعة وزيرا للتعليم

والسيد مختــار نـــوح وزيــرا للداخــلية

ووووووووووووووووو...................................... إلخ

على أن ينشر القرار في الجريدة الرسمية

وترسل نسخة للدكتور جمال حشمت رئيس مجلس الشعب لعرضها على المجلس

إنه حلم جميل ان نرى النظام السياسي مشابها لما في السطور السابقة ؟؟؟؟؟؟؟؟؟؟؟؟

ولكن هل ستحقق التعديلات الدستورية التي يدعو إليها الرئيس مبارك الحلم ؟؟؟؟؟؟؟؟

هل ستسمح التعديلات بحرية تكوين الأحزاب ؟؟؟؟

هل ستسمح التعديلات بأن تستمد السلطة التنفيذية قوتها من السلطة التشريعية ؟؟؟

هل ستسمح التعديلات بأن توزع حقائب السلطة التنفيذية والمتركزة في يد رئيس الجمهورية إلى مجلس الوزراء ؟؟؟؟؟

هل ستسمح التعديلات الدستورية بأن نقول رئيس الوزراء بدلا من رئيس مجلس الوزراء ؟؟؟؟؟؟؟؟؟؟؟؟؟

هل ستسمح التعديلات بأن نقول للحكومة في يوم من الأيام لقد قصرتي ولابد ان ترحلي؟؟؟؟؟؟

هل ستسمح التعديلات الدستورية بفصل السلطات بشكل حقيقي ؟؟؟

هل سنرى مجلس القضاء منتخبا من القضاة فقط دون تدخل من السلطة التنفيذية ؟؟؟

هل سيكون للقضاة ميزانية خاصة بهم لا يتدخل فيها احد بما يتيح لهم الحرية والنزاهة ؟؟؟

هل ستلغي التعديلات الجديدة ما يسمى بوزارة العدل ؟؟؟؟

هل وهل وهل وهل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

إنها احلام

نعيش فيها في يقظتنا

وننتظر تحقيقها من السيد رئيس الجمهورية

ننتظر ان يمنحنا في عامين ما لم يمنحه في 26 عام

ننتظر ان يعبر بنا العبور العظيم ولكن ليس للنصر المبارك

إنه يعبر بنا نحو جمال مبارك

عذرا ايها الحالم

إنتبه من نومك

وانظر في يقظتك

واقرأ معي القرار الصحيح

قرار رئيس الجمهورية رقم 1 لسنة 2010

قرر السيد الرئيس جمال مبارك ما يلي !!!!!!!!!!!!1

إنتو عاوزين إيـــــــــــه 2

انا حاولت في الحقيقة اجاوب على السؤال اللي طرحتة في الموضوع اللي فات

لكن لقيت حاجة غريبة اوي !!!!!!!!!1

كل ما احاول اوضح نقطة معينة

اكتشف إن فيه نقطة تانية محتاجة تتوضح معاها

والنقطة تجيب نقطة

والنقطة الجديدة تجيب نقطتين واحيانا تلاتة واربعة ؟؟؟؟؟؟؟؟؟؟؟

المهم الموضوع كله بقى نقط!!!!!!!!!!!!!!!!!!!!1

وطويل وممل ومش مترابط !!!!!!!1

إيه اللي بيحصل ؟؟؟؟؟؟؟؟؟؟

فخرجت في النهاية إن الموضوع بسيط جدا

بس هو عاوز يكون كله مع بعضه

ما ينفعش نتكلم في جزء ونسيب جزء

المهم ما طولش

عملت الموضوع في شكل بحث حاولت اخليه في احسن شكل

وجمعت فيه الفكرة العامة للإخوان وتاريخهم والظروف اللي شكلت الفكر ده والتحديات اللي بتقابلة ووو...........إلخ

والبحث جاهز هو بس مش هينفع يجي على المدونة

لأنه زي ما قلنا مش هينفع في موضوع واحد على المدونة وفي نفس الوقت مش هينفع نقسمه

اللي عاوز البحث انا تحت امرة

يكتب بس الإميل وانا هبعته

والبحث بعنوان

" الإخوان المسلمون بين الدينية والمدنية"

على امل نعمل واحد تاني يتكلم عن " الإخوان المسلمون رؤية من الداخل "1

إنتوا عاوزين إيــــــــــــه !!!!!!!!!!!! سؤال مهم

انا بدرس فى دبلومة عن المجتمع المدني فى إقتصاد وسياسة وكنت فى مرة بتناقش مع جماعة زمايلي فى الدبلومة

فأحد الزميلات سألتني سؤال مهم فى وسط النقاش

إنتوا كإخوان عاوزين إيه ؟؟؟؟؟؟؟؟

بصراحة السؤال جميل جدا لكنه عميق اوي وبيعكس الواقع اللي اتكلمنا عنه قبل كده وهو ان الناس مش قادرة تحدد إحنا إيه بالظبط

والأخطر لو إحنا كإخوان ما اجبناش بوضوح وسهولة على السؤال ده

هنجاوب مع بعض على السؤال و على اساس شقين رئيسيين

اولا الإخوان فكريا عاوزين إيه؟؟؟؟؟؟؟؟؟

يعني إيه الفكرة الرأيسية اللي هم بيسعوا وراها

ثانيا الإخوان هينفذوا الفكرة اللي هم بيسعوا لها دي إزاي ؟؟؟؟؟؟؟

يعنى هنتكلم عن وسائل الإخوان ومنها هنكلم على الشكل التنظيمي للجماعة

ولكن في مشكلة وهى ان الإخوان كتنظيم بيقابلة مشاكل امنيه يعني مش هنقدر نتكلم عن الجماعة من الداخل بنسبة %100

لكن النسبة اللي مش هنقولها هي النسبة اللي بتحتوي على الأسماء

انا عارف المخاوف الأمنية اللي عند البعض من الكلام عن الجماعة من الداخل

وبصراحة الأمن عندنا شيء لا يطاق واشبه ما يكون بعصور الظلام فى اوربا

لكن إحنا هنتكلم فى حاجات الأمن عارفها والناس ما تعرفهاش

يعني مثلا انا كنت فى مركز الدراسات الإستراتيجية للأهرام وإشتريت كتب عن الإخوان ولقيت ان في حاجات تنظيميةكتير مذكورة وواضحة

لكن للأسف الناس ما تعرفهاش

وزي ما إتكلمنا قبل كده إن طول ما الناس ما عندهاش رؤية واضحة عن الإخوان يبقى هيصدقوا اي حاجة تتقال عن الإخوان

ومش بس مشكلة الأزهر لأ ده هتبقى فى مشاكل كتير

حلها إن الناس تعرف الإخوان كويس

لذلك اتمنى إن اللى هيتكتب ينقل صورة عن واقع الإخوان

ويلا مع بعض نجاوب على السؤال الهام

الإخوان عاوزين إيــه ؟؟؟؟؟؟؟؟؟

لو مفيش إخوان فى مصر

الصورة الأولى عمل سلمي لطلبةإخوان وهي جميلة ومريحه

الصورة الثانية عمل سلمي لطلبة إخوان ولكنها خاطئه ومخيفة

بعيدا عن التعصب لابد من الحديث عن عدة نقاط واضحة وبكل شفافية نفهم منها ما حدث :-

أولا ماذا حدث وكيف حدث ؟؟؟

هل ما حدث كان إستعراض عسكري-

الناظر من بعيد يرى ذلك ولكن لو إقترب قليلا لرأى انه حماس شباب

وبرجاء مراجعة كلام مصور جريدة المصري اليوم على هذا الرابطhttp://www.ikhwanonline.com/Article.asp?ID=25147&LevelID=1&SectionID=390

هل كان بتوجيهات من قيادات الجماعة؟؟

قيادة الطلبة تكون منهم ولها جهات تقوم بدور الإشراف فقط

فلو أخذنا ما حدث كمثال سيكون الترتيب كالتالي

يضع الطلاب تصور محتواه ان هناك طلبة تم فصلهم وبناء عليه سيكون هناك تصعيد بعمل إعتصام ويعرض على الجهة الإشرافية بغرض اخذ الراي فى الأمر من ناحية المبدأ

بعد ذلك يضع الطلاب كل التفاصيل وكل السيناريوهات المحتملة وكل المطلوبات بعيدا عن الجهة الإشرافية على اساس ان هذا من صميم الممارسة الطبيعية لحقهم فى قيادة انفسهم

هل أخطأ الطلاب؟؟؟؟؟

انهم اخطأوا فى إستخدام الوسيلة وهذا رأي فرد عنده 27 عام وليس عشرون

ولكن هل هوخطأ فى اسلوب التعبير أم خطأ قانوني؟؟؟

بمعنى أخر هل كانت ميلشيا تريد تدمير الحرم الجامعى أم إستعراض ضمن برنامج إعتصام سلمي؟؟؟

ولكن ايضا لا ننسى انهم شباب فى الثامنة عشر والعشرين وما فعلوه لم يكن تعديا على حرية احد ولا تدميرا لأي ممتلكات وكان جزء من برنامج إعتصام سلمي وان الصوره تم إستخدامها إعلاميا بشكل مجحف لهؤلاء الطلبة والدليل على ذلك انهم - أي الطلبة - قاموا بدعوة أجهزة الإعلام لتصوير اللإعتصام

ثانيا لماذا هذا الإعتصام اصلا؟؟؟؟؟؟

للتذكره ولكي لا تخرج الأمور عن سياقها هؤلاء الطلبة منعوا من الترشح فى الإنتخابات حيث تم شطبهم ثم قاموا بعمل إنتخابات رمزية لكي يعبروا عن الإرادة الحقيقية للطلبة وبشكل سلمي مثل اي دولة متحضرة فى العالم وهذا الإتحاد الذى شكلوه هو إتحاد رمزي اي انه نوع من انواع الإحتجاج السلمي على ما حدث ضدهم وهذالايعني ابدا انهم سيستولوا على مبنى ومؤسسات الإتحادمثلا!!!!وهذا مفهوم وواضح

ماذا كان رد إدارة الجامعة؟؟

فصلت هؤلاء الطلبة لم يكفها انها منعتهم من دخول الإنتخابات بل فصلتهم لأنهم إعترضوا على ذلك!!!!!!منتهى الحرية

ثالثا هل لأمن الدولة علاقة بما حدث ويحدث ؟؟؟؟؟

طبعا كيف تختار إدارة الجامعة وإدارات الكليات أسماء طلاب الإخوان من كل كشوف المرشحين؟؟؟

الإجابة واضحة

من يأمر وينهى إدارة الجامعة؟؟؟

من يصعد ضد الطلبة؟؟

من أدخل البلطجية داخل جامعة عين شمس وضربوا وأدموا طلبة داخلها؟؟؟

من هدد طلبة الأزهر بأنه سيتم إدخال بلطجية داخل الحرم الأزهري كما حدث مع جامعة عين شمس؟؟

بل السؤال الرئيسي والواضح

من يعين رئيس الجامعة وعمداء الكليات؟؟؟؟؟؟؟؟؟؟؟؟؟؟؟؟؟؟

فى نهاية هذه النقطة لا نريد ان نجلد الطلبة فإني حين كنت مثلهم كنت اتحمس احيانا حتى لو وجهني مشرف الكلية كنت التف حول توجيهاته واتحمس في مواجهة الضغط الأمني الشديد

رابعا ما علاقة الجامعة بالنشاط السياسي خارج الجامعة؟؟؟

علاقة ناتجة عن القمع الأمني لهذا النظام وقبضته الأمنية على كل مؤسسات المجتمع المدني مما يجعل من العمل الطلابي والنقابي منفذا ومتنفسا ومساحة للحركة والتعبير عن الرأي والمشاركة بشكل سلمي

أم هل المطلوب من هذه الحركات ان تصمت تماما ولا تتحرك أو تتجه نحو العمل العسكري الذي ترفضه كأسلوب سيئ ومدمر للتغير؟؟؟؟؟؟؟؟؟؟

وهذه ليست من الإخوان فقط بل من كل الإتجاهات وليس الان فقط بل من أيام سعد زغلول والحركة الطلابية هى عماد التحرك السياسي فى مصر

خامسا هل الطالب الجامعي للعلم فقط ام للسياسة والعلم؟؟؟

أولا بفضل هذا النظام لم يعد هناك علم أصلا

ثانيا هذا الطالب يتشكل فى هذه السنوات القليلة تصوره ومبادئه الأساسية عن كل شيئ "السياسة والأصدقاء والتعاملات مع الأنماط المختلفة وكيفية فهم المجتمع المحيط والعمل من خلال فريق داخل مجتمع بعيدا عن التحرك الفردي ووووو" كل هذا وغيره الكثير داخل الحرم الجامعي

انه ليثبت يوما بعد يوم ان الصفات الشخصية التى تتكون فى الفرد ومهاراته التى يكتسبها خلال نشأته هى الركيزة الأساسية لنجاحة العملي

ولنا ان نتخيل ذلك الطالب الذي يذاكر بجد ويخرج من البيت للكليه ومن الكليه للبيت حتى بدون ما يتفاعل مع أحد ولا يشترك مع أي فريق ؟؟؟ كيف يكون عندما يواجه العمل والزواج والمجتمع المحيط؟؟؟؟

هل يستحق الطلبة ما حدث لهم من فصل وإعتقالات كما يقول رئيس الجامعة ؟

اشعر انهم يعاقبون الطلبة على المشاركة السلمية

افهم الأن لماذا تخرج من مصر اجيال تتبنى العنف

افهم الان لماذا مصر فى المؤخرة

افهم الان لماذا يبقى الرئيس في مصر حتى الموت

انه قتل لروح الشباب

إنه إغتيال لكل فكر يدعوا لسلمية التغيير

إنها القبضة العسكرية لهذا النظام

إنه التشويه المتعمد امام الإعلام للطلبة وإستغلال الصورة خارج سياقها

لا ادعي ان الإخوان وحدهم بل هناك مجموعات كثيرة ومخلصة وهذا لكي لا افهم خطا فيما سأقول

فى ظل هذا الغضب والخوف الشديد من الإخوان

دعونا نسأل في حسرة ونتخيل سويا

ماذا لو اعلن الإخوان عن حل الجماعه وأنه سيتوقف افرادها وطلبتها عن العمل السياسي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل سنرى من سيقول لا؟؟؟

هل سنرى مجتمعا متحركا وإيجابيا ؟؟؟؟

هل لدينا مؤسسات فاعلة للتحرك السياسي ؟؟؟؟

هل سيكون النظام اكثر ديمو قراطية؟؟؟

هل سيكون هناك حركة جاده فى الشارع السياسي ؟؟؟؟

هل ستكون باقي إتجاهات المعارضة اكثر فاعلية؟؟

هل توافق هذه الإتجاهات على العمل السياسي ضد هذا النظام بدون وجود الإخوان؟؟؟

هل يرى المخلصون لهذا الوطن انه سيكون ناجحا وجميلا بدون الإخوان؟؟؟

دعونا نناقش ذلك ونتحدث بلا حرج

ماذا لو اصبحت مصر بدون الإخوان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الإخوان والإخوان الجدد

" إيه المانع ان يكون فى اكتر من جماعة إخوان مسلمين متفقبن فى بعض الحاجات ومختلفين فى الممارسات والتطبيق "

معلش الجملة دي محبوكة اوي خلينا نكلم بالراحة

الإخوان من جوه بيختلفوا فى الممارسات فيه اللي بيحب التنظيم قوي وعاوز يحافظ عليه حتى لو عملنا حزب لازم تفضل الجماعة زي ما هي وناس تقول لأ ما دام في حزب ما فيش داعى للجماعة وناس بتدي للقيادة وضع كبير قوي لدرجة انه بيخاف يتكلم مع نفسه عن تصرفات القيادة دي ماشية صح ولا غلط وناس تقول لأ القائد ده منسق و يتابع فى كل شيئ واللايحة بتقول نتابعة !!! ومش عارف إيه يقول إيه !!!! المهم

لو الحياة السياسية "إتفتحت" هل هيكون فيه مشكلة لو بقى فيه كذا إتجاه "سياسي إسلامي" كل واحد بيمشي بالطريقة الي تريحه

ولا هيبقى إنشقاق وده يحارب ده بدل التنافس المشروع

فيه ناس بتقول ممكن الجماعة ساعتها" تحتوي" كل الأفكار

ما كذبش عليكم انا ترددت قبل ما اكتب الموضوع لحد يفهمني غلط

لكن اللى شجعني ان فيه ناس هتوصلها الفكرة بوضوح

المهم فى الأخر إحنا بنتحاور ولو ما إتفقناش يبقى فكرنا وما دام فكرنا يبقى هنغير سواء كان اللي بيفكر من الإخوان أو خارج الإخوان او من اي إتجاه

هيا بنا نفكر

الإخوان 1 والإخوان 2 والإخوان الجدد ولا هي واحدة بس!!!!!ولا بلاش خالص

الناس ما تعرفناش

مشكلة الأزهروكلام الناس إن الإخوان عندهم مليشيا لفتت الإنتباه لحاجات كتير منها اللي بنكلم عنه

الواحد بيكتشف كل يوم ان الناس خارج الإخوان ما يعرفوش الإخوان انا - وده مجرد رأي شخصي- شايف الناس بتشوفنا بطرق مختلفة

1- ناس بتشوفنا من خلال الإعلام بيشوف الدكتور عبد المنعم ود عصام أو على النقيض السيد فؤاد علام

2- ناس بتشوفنا من خلال تاريخ الجماعة

3- ناس بتشوفنا كيان كله على بعضه هلامي بدون تفاصيل يشوف الشعارات فى الإنتخابات مثلا

4- ناس بتشوفنا من خلال المشاكل اللى بتحصل زي مشكلة طلبة الأزهر

5- ناس بتشوفنا من خلال الإختلاط المباشر

لكن الرؤية الحقيقية واللى فيها إختلاط مباشر وصريح معه الناس نسبتها ضعيفة جدا يعنى مثلا كتير قوي لما اعرف نفسه على إني من الإخوان كأنه شايف واحد جاي من بره ويبدأ يسألك عن حاجات كتير أهمها "الإخوان من جوه عاملين إزاي " وساعة ما قولوا إحنا عندنا لايحة وإنتخابات يبقى متفاجئ والناس دي مش تايها دي في دراسات إقتاصاد وسياسه

وفيه ناس ساعة لما اعرف نفسي ينزل هجوم على المرشد وتصريحات المرشد وكأن الجماعة كل نشاطها هو تصريحات المرشد ويزودوها بان المرشد يشاور يمين الجماعة تروح يمين وشمال تروح شمال

وفيه ناس تقولي انتو ليكم خطابين خطاب الإعلام وده بتاع د عصام ود عبدالمنعم لكن من جوه ناوين على حاجة تانية

وفيه ناس كتير تقولي انتوا ناس مؤمنين وموحدين وبتوع ربنا بتوع دين يعني

وفيه ناس بتقول انتوا عاوزين خلافة يعني واحد يبقى مرشد للعالم الإسلامي والناس تسمع كلامه

وفيه ناس كل اللي تعرفوا ان عبد الناصر سجن الإخوان والسادات أفرج عنهم عشان اليسارين

وفيه ناس تشتكي من عضو مجلس الشعب لأنه ما جابش لكل واحد وظيفة وأنه لسه الشوارع ما ترصفتش وانه ما خرجش أخوه من القسم

المهم واضح ان الإخوان مش واضحين(مش مفهومين ) بالنسبة للناس

1-النخبة المثقفه ما عندهاش رؤية واضحة عن مشروع الإخوان السياسي والإجتماعى

2- إحنا نفسنا وضعنا المبادرة بتاعتنا بدون توضيح تفصيلي

3- العمال والناس العادية محتاجين صوره تفصيليه واضحه

على فكره الناس اللي بكلم عنهم دول اهلنا وجيرانا وزمايلنافى كل حتة وبيمثلوا شريحه تكاد تكون الأغلبيه

انا طولت فى الكلام قوي

ولكن انا مقتنع ان لازم ننتكلم بالتفصيل عن "إيه هم الإخوان" وكل واحد يقول رأيه سواء مع الإخوان او مش معاهم مقتنع بيهم او مش مقتنع

يلا نتناقش