Tuesday, January 2, 2007

الرئيس مبــارك ورئــيس الوزراء ابــو الفتــوح

مبارك

أبو الفتوح


قرار رئيس الجمهورية رقم "82"لسنة 2010
قرر الرئيس محمد حسني مبارك رئيس الجمهورية ما يلي
بعد الإطلاع على الدستور والقانون
والذي ينص على ان تشكل الحكومة بقرار من رئيس الجمهورية
على ان تحصل على تأييد % 50 +1 من السادة اعضاء مجلس الشعب
وبناء على نتيجة الإنتخابات لمجلس الشعب لعام 2010
وبعد توافق كل من
حزب الإخوان المسلمين والحاصل على 135 مقعد
الحزب الوطني والحاصل على 56 مقعد
حزب الكرامة والحاصل على 29 مقعد
حزب الوسط والحاصل على 26 مقعد
بعد توافق الأحزاب الأربعة فيما بينها على تشكيل حكومة إئتلاف
وحيث ان مجموع الأحزاب الأربعة مجتمعة هو 246 مقعدا بما يكفل اغلبية كافية ومستقرة لتشكيل الحكومة
بناء على ما سبق
وافق السيد الرئيس محمد حسني مبارك على التشكيل المقترح من الأحزاب الأربعة على ان يعرض
على مجلس الشعب في اول جلسة للتصويت عليه
وبيان المجلس على النحو التالي
الدكتور عبد المنعم ابو الفتوح رئيسا للوزراء
الدكتور ضياء رشوان وزيرا للثقافة
السيد حمدين صباحي وزيرا لشئون مجلسي الشعب والشورى
الدكتور عصام العريان وزيرا للخارجية
الدكتور رشيد محمد رشيد وزيرا للصناعة والتجارة
الدكتور فاروق الباز وزيرا للتعليم العالي والبحث العلمي
السيد جمال مبارك وزيرا للشباب
المهندس أبو العلا ماضي وزيرا للتنمية المحلية
الدكتور رفيق حبيب وزيرا للإعلام
الدكتور حسن النافعة وزيرا للتعليم
والسيد مختــار نـــوح وزيــرا للداخــلية
ووووووووووووووووو...................................... إلخ
على أن ينشر القرار في الجريدة الرسمية
وترسل نسخة للدكتور جمال حشمت رئيس مجلس الشعب لعرضها على المجلس
إنه حلم جميل ان نرى النظام السياسي مشابها لما في السطور السابقة ؟؟؟؟؟؟؟؟؟؟؟؟
ولكن هل ستحقق التعديلات الدستورية التي يدعو إليها الرئيس مبارك الحلم ؟؟؟؟؟؟؟؟
هل ستسمح التعديلات بحرية تكوين الأحزاب ؟؟؟؟
هل ستسمح التعديلات بأن تستمد السلطة التنفيذية قوتها من السلطة التشريعية ؟؟؟
هل ستسمح التعديلات بأن توزع حقائب السلطة التنفيذية والمتركزة في يد رئيس الجمهورية إلى مجلس الوزراء ؟؟؟؟؟
هل ستسمح التعديلات الدستورية بأن نقول رئيس الوزراء بدلا من رئيس مجلس الوزراء ؟؟؟؟؟؟؟؟؟؟؟؟؟
هل ستسمح التعديلات بأن نقول للحكومة في يوم من الأيام لقد قصرتي ولابد ان ترحلي؟؟؟؟؟؟
هل ستسمح التعديلات الدستورية بفصل السلطات بشكل حقيقي ؟؟؟
هل سنرى مجلس القضاء منتخبا من القضاة فقط دون تدخل من السلطة التنفيذية ؟؟؟
هل سيكون للقضاة ميزانية خاصة بهم لا يتدخل فيها احد بما يتيح لهم الحرية والنزاهة ؟؟؟
هل ستلغي التعديلات الجديدة ما يسمى بوزارة العدل ؟؟؟؟
هل وهل وهل وهل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
إنها احلام
نعيش فيها في يقظتنا
وننتظر تحقيقها من السيد رئيس الجمهورية
ننتظر ان يمنحنا في عامين ما لم يمنحه في 26 عام
ننتظر ان يعبر بنا العبور العظيم ولكن ليس للنصر المبارك
إنه يعبر بنا نحو جمال مبارك
عذرا ايها الحالم
إنتبه من نومك
وانظر في يقظتك
واقرأ معي القرار الصحيح
قرار رئيس الجمهورية رقم 1 لسنة 2010
قرر السيد الرئيس جمال مبارك ما يلي !!!!!!!!!!!!1

21 comments:

محمود صلاح said...

عم الحالم الاعظم
ايه يا عم ,على فكرة انا بكتبلك بعد ماقريت المقال ونمت وصحيت
وعاديك قمت من النوم كابب عليا جردلين ميه ارفع عنى حلاوة الحلم الافلاطونى ده
بس هو جامد بس هو دليل ان الريس باظة تعميرةدماغة العاليه
وحاشا ان يحدث لريسنا أو حد من حاشيته
بس ده مش مانع اننا نحلم ادينا بنخرج من مفرمة ندخل منومه نفرغ فيها طاقتنا.
احلم يا حمزة وقول لكل الاحرار يحلمو لحد ما يتحول حلمهم لحقيقة لا غسل بعدها

ياسر ابو العلا said...

السلام عليكم،ازيك يا ابو حمزة ،الف مبروك على المدونة الجميلة ،خطوة ممتازة اتمنى ان كل الاخوان يقوموا بيها ،يا جماعة الناس محتاجة تقرا حاجة صح ،محتاجة تعرف افكار نقية بدل الهبل اللى مصرين انهم يلقنوه للناس ؛سواء فى صحفومجلات واذاعات وتليفزيونات الحكومة ،او من خلال الصحف اللى المفروض كانت مستقلة ولكن للاسف المصالح الشخصية خلت عدد منها يبيع ضميره ويسلم عقله لاول ظابط شرطة قابله او اتصل بيه بالتليفون .
فعلا الناس بدات توعى وتفهم عن طريق المدونات -مع ان تاثيرها ما زال محدودا-وطبعا عن طريق الفضائيات المحترمة ومواقع الانترنت.
الف مبروك للاخوان ان اصبح لهم منبر اعلامى جديد ،هو طبعا مستقل بتفكيره ورايه ،ولكن اكيد ان الافكار دى فى الاخر بتصب فى صالح المجتمع اللى الجماعة جزء اصيل منه .مش هطول عليك بس ارجو انك تكلملى السيد رئيس الوزراء انه يفتح لنا جريدة لان الحكومة قفلت الجرنال اللى كنا بنشتغل فيه،واكيد الدكتور عبد المنعم مش هيرفض ،انا عارفه راجل بيفهم وبيحب الشباب والر ياضة .انا مستنى مكالمة من مجلس الوزرا يا عمنا علشان ابدا اكلم الزملاء .
تحياتى لوزير الخارجية اللى انت رشحته ،والله اجدع وزير خارجية .
بس ربنا يستر و الترشيح بتاعك ده ميكونش نتيجته زى استفتاء الجزيرة ،عموما مش فارقة كتير ،جوة زى جوة ،مع تحياتى.

ِikhwanyouth said...

السلام عليكم
سعدت بهذا الموضوع
ولكن يحسن فى الاختيار الوزارى أن يكون به الاخوان أقلية ولشخصيات لها شعبيتها واستقلاليتها وعلمها تكون فى الصدارة مثل الباز وغيره من العلماء الافاضل
وجزاك الله خيرا
اخوك عبدالرحمن رشوان

محمد القط said...

عمي محمد حمزة ..اسمحلي
أنا بصراحة قلقت لما قريت الموضوع مش عارف ليه
على رأي الراجل الاسمر في فيلم الارهاب والكباب "في أوروبا والدول المتقدمة" من حق أي مواطن إنه يحلم زي ما هو عايز يعني من حقك هناك إنك تحلم برئاسة الوزارا أو تبقى رئيس "ده هناك" مش هنا..إنما في بلادنا المحروسة مينفعش
وبصراحة ومن غير زعل ..الجماعة "الاخوان يعني" مش ناقصة واحد دماغة ضاربه يسؤ علاقتها بالمجتمع المدني اكتر ما هي سيئة..وخصوصاً بعض زوبعة الازهر ...
لما يبقى للإخوان كيان رسمي معترف بيه إبقى إحلم زي ما انت عايز ..إنما متجيش والاخوان في وضع حصار ومحظورة قانونياً "شاء ام ابى الاخوان"..وتقعد تنطور احلامك الساذجة على مخاليق ربنا وتغرقهم بيها وفيها !!
كلامك ممكن يجيب للإخوان مشاكل على المشاكل إلي هما واقعين فيها حالياً...وكلامك "تاني" غير متسق مع إلي بيعرضه الاخوان حالياً من إن هدفهم على المدى القريب والبعيد في آن هو الاصلاح وإن فكرة الحكم مُرحلة إلى ما بعد...

كلامك "برضك"..غير متفق مع ماقاله الدكتور عصام العريان من حوالي اربع أو خمس سنيين لما صرح بكلام وقال من ضمن السياق كلمتن "صوغنتتين"..والكلمتين هما "حقائب وزارية جاهزة"...ساعتها قامت الدنيا على الكلمتين دول..والراجل رجع وقعد وضح إنه لا يقصد حكومة ظل ولا دياولو وإن فكرة الحكم مستبعدة من فكر الاخوان إلى حين !!

وبصراحة ومن غير زعل ...في إخوان بيورطو الجماعة في مغامرات واحلام الاخوان مش قدها دلوقت...وكلامك نوع من انواع التوريط !!
تيست تيست ياعم..وأخيراً وليس آخراً ..ومن غير زعل برضك..في هوه كبيرة في الافكار بين الاخوان وبعضهم لازم الفتحة دي تنسد بمزيد من التحام الاخوان بالمجتمع المدني..بعيد عن احلام ممكن تودي في ابو نكله !!
ونصيحة اخيرة ..ابقى استغطه كويس يا عمنا !!!

واحد من الإخوان said...

إسمحولي ابدا من الأخر

استاذ محمد القط
أنا اول مرة اتعرف بيك يا ريت تبعتلي إميلك
انا شاكر ليك جدا مشاركتك وملحوظاتك وسعيد بوجودك على المدونة
انا بس بأكد إني مجرد واحد من الإخوان يعني لما اتكلم او احلم فده حلم شخصي مش حلم الإخوان وإسمحلي اعلق على كلامك

اولا انت إستخدمت كلمات قاسية اوي معايا زي " ساذجة " و " دماغة ضاربة " وده بيدي إنطباع إنك منفعل جدا لدرجة إنك مش عامل إعتبار لأي حاجة
وأنا بصراحة مش هستخدم معاك نفس الطريقة في الكلام لإعتبارات كتير

ثانيا الإخوان فعلا مش هيشاركوا في الحكومة في الفترة الحالية - حتى لو طلب منهم - يعين ده وضع مرحلي يعني ده لفتره لكن الإخوان ليهم مشروع سياسي مستقبلي من مكوناتة المشاركة السياسية السلمية سواء في الحكومة او غيرها

ثالثا الإخوان بيعلنوا ليل نهار عن مشروعهم السياسي ده وفي كل ادبياتهم

رابعا الحلم بيحمل معنى المطالبة بإن التعديلات اللي جاية تكون حقيقية وفي إتجاه يسمح بوجود حراك سياسي وحرية لتكوين الأحزاب

خامسا الحلم ده فيه الرئيس مبارك على قمة النظام السياسي وفي نفس الوقت هو اللي بيقود عملية التحول الديموقراطي

سادسا لو المشكلة في اسماء الإخوان الموجودين نشيلها خالص
المهم هو وجود سماحية بتغيير ديموقراطي سلمي

سابعا انا في الدراسات العليا في إقتصاد وسياسة وبقابل ناس - اظنهم نخبة ثقافية- واكتر حاجة بيهاجموا الإخوان فيها هو عدم الوضوح في الأهداف
لدرجة إن واحد فيهم بيهاجم الإخوان إنهم بيسعوا للحكم ؟؟؟؟
طبعا بيسعوا للحكم ولكن على اساس ديموقراطي سلمي قائم على المشاركة وليس المغالبة" وأظن ده شعار الإخوان "

ثامنا ما ينفعش نقول الإلتحام مع المجتمع المدني وبس ؟؟؟؟
لأ نلتحم مع أفرادالمجتمع بشكل العام ومن ضمنة مؤسسات المجتمع المدني الموجوده - ده لو سمحتلي اعدل في شكل الجملة-

تاسعا الإلتحام مع افراد المجتمع ومؤسساته يحتاج منا وضوح في الأهداف والممارسات مش نخبي عليه شوية نقولوا إحنا دعاة إلى حسن الخلق و حسن العبادة - زي ما فهمت من كلامك - وبعدين نقولوا إحنا لينا اهداف سياسية ساعتها هيقول إنتوا خدعتونا

لازم يكون فيه وضوح في " الأهداف و الممارسات والوسائل بل والشكل التنظيمي "

عاشرا عدم الوضوح مع افراد المجتمع ومؤسساته بيؤدي إلى إن الناس تصدق اي حاجة تتقال على الإخوان زي ما حصل في مشكلة الأزهر لأننا في النهاية " هيكل " ضخم غير واضح المداخل

أخيرا ياريت بالراحة شوية

" ولو كنت فظا غليظ القلب لإنفضوا من حولك "

عشان حتى الناس ما تقولش شوفوا الإخوان بيردوا على الفكر بطريقة عاملة إزاي ؟؟؟

محمود باشا صلاح
منور المدونة
بس انا مش عارف إنت بتستخدم " الجردل " ليه هي الميه قاطعة عندكم في البلد ؟؟؟؟

استاذ ياسر
شكرا على المشاركة
وبالنسبة لرئيس الوزرا كلمهولي إنت يا عمنا إنت اقربلوا مني

أستاذ عبد الرحمن
انا ما كانش في نيتي اكتب اسماء خالص
وبالنسبة لموضوع الشخصيات العامة معاك حق
و أستاذنا الباز جه على بالي لكن سقط سهوا وعلى كل حال هضيفة
وانا في الحقيقة كتبت الأسماء دي على سبيل المثال
وعلى اساس إنهم بيمثلوا الأحزاب الأربعة
وفي نفس الوقت وجودهم مع بعض بيحمل معني " التوافق والوفاق " السياسي

و لسه في وزارات كتير ممكن كل واحد يحلم بالأسماء اللي عاوزها

وشكرا للمرة التانية على المشاركة


محمد حمزة

Fadfada said...

السلام عليكم و رحمة الله و بركاته
م . حمزة أحييك على هذا الحلم الجميل
احلم زي ما انت عايز , لو بطلنا نحلم نموت , حتى لو الحلم مش ممكن يتحقق ( أنا ما بتكلمش عن حلمك ) إيه المشكلة ؟
اسمع هذه القصيدة لأحمد مطر
وقفت ما بين يدي
مفسر الأحلام
قلت له : يا سيدي
رأيت في المنام
أني أعيش كالبشر
و أن من حولي بشر
و أن صوتي بفمي
و في يدي الطعام
و أنني أمشي
و لا يُتبع من خلفي أثر
فصاح بي مرتعدا
يا ولدي حرام
يا ولدي .. نم عندما تنام
و قبا أن أتركه
تسللت من أذني
أصابع النظام
و اهتز رأسي ..و انفجر

sameh 3ly said...

بجد أنا عشت الحلم لدرجة إني قمت منه فرحان وعندي امل

انا بس لي تعليق على حاجة

محمد حمزة واضح إنه ما يعرفش محمد القط أو يعني ما فيش علاقة بينهم وحتى لو فيه ماتنفعش طريقة الكلام اللي استخدمها القط

وبصراحة الطريقة اللي إستخدمها محمد القط في التعليق مش كويسة

محمد القط بيحسسني إنه حامي الحمى لجماعة الإخوان المسلمين ضد الأفعال التي يقوم بها الضالة والجهلاء أمثال محمد حمزة
واللي ممكن تودي الجماعة لا سمح الله في المعتقل

وعلى فكرة الإخوان فيهم كتير كده
بيتخيلوا نفسهم اصحاب الجماعة والحريصين عليها
ومش بعيد لو لقوا فرصة هيمسكوا عصاية ويضربوا الناس اللي بتهدد امن الجماعة كل واحد عصايتين على ظهر إيده

استاذ القط برجاء الرجوع للحق وتغيير طريقة الكلام
وعبر عن الفكرة بدون تجريح

fnan_geology said...

حمزه باشا

انت عرف لاانا بقالى يومين كل مدخل منتدى و مدونه الاقى الناس اللى فيه بتحلم

انا مش عارف هو موسم الاحلام شغال دلوقتى ولا ايه

على قد الحلم ده مبيدينا امل
على قد مفكر احنا وصلنا الى فتره اننا نحلم وبس

وكفايه علينا الحلم

هنقضيهاااا نوم

ومونه بجد رائعه

وسلااااااااااااااام

محمد القط said...

المهندس محمد حمزة
ردك على تعليقي..في مجمله جيد ومتفق معاك فيه ولكن بعض النقاط بصراحة خلتني اقلق أكتر من الاول..
المهم ..ايميلي salahalden_eng@hotmail.com
لأني كتبت تعليق على تعليقك..وبصراحة في ناس دخلت في النص عايزة تهدي النفوس !!وأنا مش هسمحلها بكده !!

استاذ سامح علي

بصراحة لما قريت تعلقيك اضيقت وانزعجت قوي..لأنك قلت على لساني ما لم اقوله ..لأني مقلتش إني حامي الحمى لجماعة الإخوان المسلمين ..ولا قلت إني بدافع عنها ضد الجهلاء والضالة أمثال محمد حمزة.. لأن لساني انضف من انه يقول الكلام ده!!
ولكن ..كنت هقولك حاجة ..بس خلاص مش هقولهالك...خليك كده احسن !!!

انت كده كويس

واحد من الإخوان said...

استاذ / فضفضة
معلش ما عرفش الإسم
بس الشعر جميل جدا وتشجيعك على الحلم اجمل
أستاذ / فنان جيولوجي
معلش بردة ما عرفش الإسم
هو إحنا فعلا في زمن الأحلام لإن الواقع قافل خالص لكن كويس إن الناس بتحلم ده معناه إن إحنا هنغير
وعلى فكرة موضوع " الحشيش " على المدونة بتاعتك جميل بجد

أستاذ سامح
إنت صديق المدونة من ساعة ما بدأت فإنت صاحب بيت زي ما بيقولوا
بس هو إنت كنت شديد اوي مع استاذ محمد القط

أستاذ محمد القط
لك تحياتي على إهتمامك بدخولك على المدونة

وللأستاذ سامح والأستاذ محمد القط

هو الخطأ مني إني علقت على طريقة الأستاذ محمد القط لأنه ده خرجنا من
الحلم الجميل إلى النقاش حول طريقة الكلام
على كل حال الإختلاف في وجهات النظر علامة صحية وشيئ يشرف الإخوان

أما عن الطريقة
فمرحبا بأي تعليق بأي طريقة أنا
من نحيتي متقبل اي طريقة

وللجميع مني التحية والتقدير

محمد حمزة

IBN BAHYA said...

يا ريت يا أخي الأحلام دي ممكن تتحقق

بس مع الأسف أنا شايف وشامم ريحة الجزائر في مصر هذه الأيام .. الجزائر يوم انقلبت على الإسلاميين بلا وجه حق .. الشيء الوحيد المطمئن نوعا ما ، أن الإخوان في مصر نفسهم أطول من نهر النيل وياما شافوا بلاوي وسكتوا .. ربك يستر من اللي جاي

أنا لست متفائلا مثلك مع الأسف .. ولا أعتقد أن البيت الأسود وعملائه في الداخل سيرضون لمصر حكومة منتخبه .. لذا سيتركون مبارك يتصرف في عزبة أهله

ربك يستر برضه

أرق تحياتي

الجحيم هو الحقيقه said...

السلام عليكم


اوى سعيد بيك وبدخول افر اد من شبا ب الاخو ا ن مجا ل التدوين

لا ننا دا خل الحر كه نفتقد الى الذ اتيه والحر كه من خلا ل افكا رنا وما نعتقده صواب بسبب انما ط من التربيه النمطيه التى اصلت مجموعه من المفا هيم والو ضعيا ت الغريبه فى حس جمهره من شبا ب الاخو ان


احيك واشجعك

وليه ر اجعه للتعليق

القادم من الريف said...

السلام عليكم


اوى سعيد بيك وبدخول افر اد من شبا ب الاخو ا ن مجا ل التدوين

لا ننا دا خل الحر كه نفتقد الى الذ اتيه والحر كه من خلا ل افكا رنا وما نعتقده صواب بسبب انما ط من التربيه النمطيه التى اصلت مجموعه من المفا هيم والو ضعيا ت الغريبه فى حس جمهره من شبا ب الاخو ان

نفس الجحيم بس
شيزو فرنيا
تحيا تى

whyme said...

اولاً انا بحييك على تفاؤلك
ثانياً طبعاً قرار سنه 2010 اكيد هيكون مطابق للوارد فى اخر مدونتك
ثالثاً التعديلات بها بعض التعديلات الجيده ولكن لا تتوقع اى تعديل يمس من قريب او بعيد ديكتاتورية الحكم
رابعاً من وجهة نظرى فيه وزراء جيدين فى الحكومة الحاليه لابد من الاشاده بهم و هم رشيد و مصلحى و المغربى

واحد من الإخوان said...

إبن بهية
يا مرحب بيك على المدونة
بالنسبة لموضوع البيت الإسود ده حقيقة فعلا إنه بيدخل في كل حاجة ومش هيسمح بوجود حكومة إلا لو كانت بتتفق مع الأجنده بتاعته

الجحيم هو الحقيقة

أنا سعيد أيضا بحركة شباب الإخوان على المدونات
خاصة وإن معظمهم بيعبر بطلاقة بدون أي قيود

وشكرا على المشاركة

القادم من الريف
نفس التعليق اللي فات
شيزوفرينيا

why me

طبعا هو كل حاجة لحد دلوقت بتأكد إن القرار سنة 2010 هيكون زي ما كان في أخر جملة
لكن ادينا بنحلم

وسعيد بوجودك على المدونة

وشكرا للجميع على المشاركة

tamer said...

احلام احلام



بس ماشية


لو بطلنا نحم نموت

wendao2588 said...

very nice blog!If you like pretty girls, visit my blog, you have a lot of beautiful girls we havemany friends in exchange

أروى الطويل said...

ماشاء شكلنا هنروح فى حديد

zaghlol said...

الأجمل يا عزيزى ألا تحلم بمناصب لأشخاص
أن تحلم بأن تطبق الديمقراطيه فقط
وان يمارس هذا الشعب الحريه فى المطلق فى الدين أولا والسياسه والتعبير عن الآراء حريه لابد لها من شعب متحضر
أوجد هذا الشعب
وثق أنه سيتحمل المسؤوليه
ثم طبق الديموقراطيه والتعدديه التى ستسير بلا تناقض بشعب متحضر فقط هذا هو الشرط الوحيد
محب؟؟؟؟

واحد من الإخوان said...

استاذ تامر

بيني وبينك الاحلام إحنا مش عارفين نعمل حاجة غير الأحلام

يلا ربنا يجعله حلم كويس
ويصحينا من النوم فرحانيين

شكرا على تعليقك

استاذه اروى / ه الطويل

يا مرحب بيكي على المدونة

وبالنسبة للحديد
إحنا كده كده رايحين

يبقى نحلم

أستاذ زغلول

تعليق جميل

هو بس الأشخاص ذكروا على سبيل المثال
وعشان يبقى السياق معبر
لكن اي اشخاص ممكن يبقوا في القايمةما دام إترشحوا بشكل ديموقراطي

والشعب بتاعنا
أنا بعتقد إن هموم الحياة اللي فرضها عليه النظام المركزي هي اللي بتخلي الشعب يبدو وكأنه غير متحضر

ومع شيئ من التغيير نحو المشاركة السياسية
هتتغير حاجات كتير

يلا نورت المدونة

شكرا للجميع

محمد حمزة

TheGrace / النعمة said...

Warm welcome to Alnemat TheGrace Arabic Christian Internet Magazine, We love you! Please visit us at:

In TheGrace opportunity to meet Jesus the Savior / في النعمة فرصة للقاء المُخلِّص يسوع المسيح
http://www.TheGrace.net

Salvation pardon peace life certitude mercy in Jesus / خلاص غفران سلام حياة يقين رحمة في المسيح
http://www.TheGrace.org

Arabic Christian Magazine The Grace offering the Arabic Bible / النعمة تقدم الإنجيل الكتاب المقدس
http://www.TheGrace.com

نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible audio Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.