Tuesday, April 24, 2007

الحزب تغيير مبادئ ولا إعلان مبادئ



هو وقتة ولا مش وقتة ؟؟؟؟
بصراحة الضغط الأمني والظلم الواقع على الإخوان وعلى الناس كلها بيخلي الواحد ملوش نفس يتكلم او يقرا
لكن في الحقيقة مع إقتراب إعلان برنامج حزب الإخوان " كان المفروض من فبراير اللي فات " لازم نقول اللي عندنا لإن الهجمات مش هتخلص و "وإذا كان اللي بنشوفة سيئ فاللي جاي أسوأ " وعلى رأي الأستاذ ضياء رشوان الشيطان الأكبر في القوانين وفي رأي الشيطان الأكبر لما يحصل اللي كلنا مستنينة والراجل الصغير يبقى مكان الكبير
المهم
هنتكلم بلغة بسيطة وتطبيقية بعيدا عن الفلسفة السياسية

إجابات عشوائية
دخلت في حوارات مع ناس كتير من الإخوان ومن غير الإخوان عن برنامج الحزب وسيناريوهات العمل لو كان في فرصة حقيقية لتكوين حزب للإخوان وبتفاجئ بكلام غريب قوى
مثلا بتكلم مع واحد " وهو مثقف جدا و سياسي " بتكلم معاه عن دور الجماعة لما يتشكل الحزب هل هتسيطر عليه ولا هو اللي يسيطر عليها ولا إيه الوضع
رد علي بكلام عشوائي بإن الجماعة لازم تراقب أداء الحزبيين عشان ما يخرجوش عن المبادئ !!!!!!!!!!!1
طب إزاي هتراقبهم يعني الواحد مثلا رايح يحضر كممثل عن حزب الإخوان في مؤتمر يروح يستأذن الجماعة ولا الحزب يعني مثلا يروح لنقيبة في الأسرة ولا مسئول المكتب الإداري في المحافظة ؟؟؟؟؟؟؟؟؟؟؟
ودخلت مع إخوة في حوارات عن نفس الموضوع اختصرها في الأسئلة اللي جاية
لو الراجل ممثل الحزب ده مش من الإخوان مش هنخلية يمثل الحزب ولا هندخلة الحزب كدة وكدة ؟؟؟؟؟؟؟؟
طب لو كان الراجل ده مسيحي هتعمل الجماعة إيه ؟؟؟؟؟
طب لو إترشح للرئاسة صفوت الشريف أو الدكتور رفيق حبيب الحزب هيأيد مين ؟؟؟؟؟
طب تأييد رفيق حبيب مش معناه إن الولاية العامة هتكون مع غير المسلم ؟؟؟؟
ولا ننتخب محمد صفوت الشريف ؟؟؟
ولا نقاطع ؟؟؟؟؟؟؟؟
طب في حاجة تانية اهم هنخلي مسئول المرأة في الحزب راجل ولا واحدة ؟؟؟؟؟؟؟؟
يعني هنخلي الأخوات في قسم المرأة وينتخبوا ممثلة حزبية ولا ننتخبلهم إحنا ممثل راجل ؟؟
طب نفترض في واحدة معجبة بمبادئ الحزب بس مش عاوزة تكون من الأخوات و بتلبس ضيق شوية
هنمنعها من العضوية ولا هنحط شروط لملابس عضوات الحزب ؟؟؟؟؟؟؟؟؟؟؟؟؟؟
طب نفترض العضوة دي رشحت نفسها في الإنتخابات الداخلية للحزب هيتفق الأخوات بينهم وبين بعض على واحدة تانية ولا هيمارسوا حياة حزبية بعيدا عن الإعتبارات الأخرى للجماعة ؟؟
طب هو إيه موقف الحزب من ترشح أحد عضواتة لرئاسة الجمهورية ؟؟؟
يعني بصراحة إيه موقف الحزب من الولاية العامة للمرأة ؟؟؟
طب شعار الحزب هيفضل " الإسلام هو الحل " ولا ممكن نقول شعار تاني
وبعدين صحيح سؤال أهم من ده كله
عضوية الحزب هتكون فيها عوامل تربوية ولا سياسية وبس ؟؟؟؟؟؟؟؟؟؟؟؟
ولو قلنا لازم يكون في تربية كأحد شروط العضوية والترقي الإداري للحزب طب الأعضاء الأقباط هنربيهم على إيه ؟؟؟؟؟؟؟؟؟
وسؤال مرتبط بالسؤال ده هي الجماعة هتروح فين لو قلنا إن الحزب هيكون مستقل وما فهوش مراقبة سياسية؟؟؟؟
طب مشروع الجماعة " العالمي " المرتبط بمفهوم أستاذية العالم المشروع ده مين هيرعاة لو تحولنا لحزب بشكل كامل ؟؟؟؟؟؟؟
طب الأهم بقى من ده كله
لو كونا الحزب هل هنحل الجماعة ؟؟؟؟؟
ناس بتقول لأ طبعا
طب الجماعة دي هتفضل سرية والحزب " الرسمي " بيتبعها ؟؟
ولا يبقى الحزب هو الكيان السياسي للجماعة ؟
والكيان التربوي يتحول لجمعية أهلية ؟؟
طب لو إفترضنا ده
إيه شكل العلاقة بين الجمعية الأهلية اللي بتقوم بدور تربوي وثقافي وإجتماعي بالحزب السياسي؟؟
طب إحنا الحزب بتاعنا هيكون مدني ولا ديني ولا مدني وله مرجعية إسلامية ولا حزب إسلامي وبس ؟؟؟
طب المرجعية الإسلامية هي الحفاظ على مقاصد عامة للشريعة ؟؟؟
ولا المرجعية هي شمولية كل شيئ ؟؟؟؟
طب الإسلام هو الحل إزاي نترجمة لتفاصيل الوضع في مصر من غلاء المعيشة والفساد المالي والإداري والسياسي ومشاكل إقتصادية زي البطالة ومعاناة العمال بعد الخصخصة والخصخصة دي من الإسلام ولا لأ وموضوع العشوائيات وغيرة وغيرة كتيييير ؟؟؟؟؟؟
طب برنامج الحزب هيكون الحفاظ على المقاصد العامة للشريعة الإسلامية وبس ؟؟؟؟
ولا هيكون الحفاظ على المقاصد هو جزء من برنامج الحزب وباقي البرنامج بيحل بشكل عملي وتطبيقي مشاكل الناس؟؟؟؟
للأسف لو طرحنا الأسئلة على مجموعة مننا كإخوان هنسمع إجابات غريبة ومتناقضة وأحيانا مش هنلاقي إجابات
واضحة وهنلاقي كلام غريب

ليييييييييييييية؟؟؟؟؟؟؟؟؟؟؟؟؟؟؟؟
لأننا من زمان وإحنا بنعلن مبادئ عامة بتحقق توافق اكبر وبنتجنب المبادئ التطبيقية
ولإننا عندنا خلفيات ثقافية مختلفة جيل من ايام الإمام الشهيد حضروا بطش الثورة وجيل تاني من السبعينات عاشوا نسبيا الحياة العامة ومتطلباتها وجيل في النص كده عاصر بداية الثمانينات وعاصر أفكار الجماعات الإسلامية ونشأوا في جو فكري متقلب وغير مكتمل النضج وشباب بيعيش واقع مجتمعي وسياسي وإقتصادي خانق بجانب معاصرتة لثورة المعلومات
ولإننا من كتر ما بنحافظ على حاجات معينة أصبح عندنا الوسائل هي المبادئ " الأهداف " والتمسك بالوسائل دي بقى من الثوابت يعني بتلاقي ناس بتتخض لو حد قلها ممكن نتناقش في تغيير شكل الجماعة
وناس بتتفزع لو حد قلها هناقش جدوى شعار " الإسلام هو الحل "1
والاهم من ده كله غياب الجانب التطبيقي للإسلام في حياتنا لفترة زمنية طويلة
مبادئ ولا وسائل ؟؟
هذكر بس موقف غريب
في إنتخابات 2005 كنت بسمع خطاب إنتخابي لأحد الإخوة المرشيحن ولقيتة بيقول " يا إخونا إنتوا لما بتصوتوا مش بتصوتوا على حد إنتوا بتصوتوا على لا إاله إلا الله "!!!!!!!!!!!!!!!!!!!1
مش عارف بصراحة إيه علاقة التصويت على الدكتور فلان بلا إله إلا الله
ليه الخلط ده اللي بيضرنا اكثر ما بينفعنا ؟؟؟
ولا التمسك بالشعار وصل لدرجة إننا نقول حاجات قد تكون موضع نقد شديد
إختلطت عندنا المبادئ والأهداف بالوسائل
فخفنا من تغيير الوسائل ظنا منا اننا نغير المبادئ !!!!!!1
عجبني في الموضوع ده مقال استاذ ضياء رشوان عن المراجعات

كل الأسئلة اللي فاتت لازم يجاوب عليها برنامج الحزب
عارفين إنه مش هيتوافق علية من النظام طبعا
بس البرنامج ده هو أول إعلان تفصيلي لمبادئنا كإخوان
ولسة لينا عودة عن الموضوع ده

أعتذر للجميع عن غلق المدونة لفترة طويلة "1 "

16 comments:

محمود سعيد said...

والله هو حضرتك طرحت حاجات كتير بس من كترها الواحد مش هيرد عليها

هرد على المجموع كده
إحنا عندنا من الفكر يعنى من الكتب ومن التربية ومن الوثائق ومن الدراسات ومن ومن ما نستطيع منه حل كل هذه الإشكاليات

بس خلينا نشوف علاقة القسم السياسى بالجماعة أو بمكتب الإرشاد
حاجة هتبقى فى رأيى زى علاقة الكتلة البرلمانية دلوقتى بالجماعة
إستقلالية
من لا مركزيتنا
بس فى تنسيق

طيب لما واحد يحضر ممثل عن حزب الإخوان
مال بقى مسئوله ولا مسئول المنطقة
مسئوله فى الحزب وطبعاً قيادة الحزب هى اللى مفروض ياخد الاذن منها :-)

طيب الأقباط عادى تماماً يعنى لو الدكتور رفيق حبيب رشح نفسه قدام محمد صفوت الشريف

أنا شخصياً هانتخب رفيق حبيب
ده شىء طبيعى

عادل مش مسلم أحسن من مسلم مش عادل
ثم رئاسة الجمهورية مش ولاية عامة

وكمان هو مش اللى هيرشح رفيق حبيب للرئاسة هو الحزب

يعنى الصراحة الحزب لو مفيهوش حد يستاهل غير رفيق حبيب (يعنى كل المسلمين اللى فيه أى كلام) يبقى رفيق حبيب أولى

بإختصار إحنا عندنا فى أدبياتنا وفى تراثنا الإسلامى الكفاية لحل كل الإشكاليات اللى حضرتك قولتها
لأننا إما سبق وعشناها (يمكن أيام النقابات)
أو درسناه
أو كانت فى سابق المسلمين
أو كان لها تأييداً شرعياً ولم تكن محل تطبيق
أو
أو


من الآخر الموضوع أسهل من السهولة
ثم أدينا مستنين لما البرنامج ينزل
وطبعاً لازم اللائحة تنزل كمان
وبعدين نبقى نتكلم

محمود سعيد said...

موضوع المرأة (أو الأخوات)

أنا شخصياً من أكثر الناس المؤيدة أننا نسيب الملف ده بالكامل ليهم

يعنى عمالين نقول أنهم محتاجين نضج
طيب ومنين يجيبوا النضج وهما لا بيجربوا ولا بيغلطوا ويتعلموا من الغلط ولا حاجة

المفرض نسيبهم كده مع بعضهم (الأخوات والمنضمات حزبياً إليهن) يتفاهموا مع بعض

إحنا مالنا
ده مكسب لينا وليهم
وهما عمرهم ما هينفصلوا ولا يعملوا حاجة من غير ما ياخدوا مشورة المجربين (الرجالة)

خليهم يخبطوا مع بعضهن إحنا مالنا

خطــاب said...

انا اعتقد ان الحزب وضعه بمثابة الجناح السياسى للجماعة
او هذا ما اراه صحيحا

عبدالرحمن رشوان said...

السلام عليكم ورحمة الله
أخويا الحبيب
محمد باشا حمزة

بداية أنا سعيد جدا على عودتك بعد الغيبة الطويلة

ثانيا موضوع الحزب دا فى وجهة نظرى موضوع شائك للغاية
يعنى مثلا سألت أحد أعضاء مكتب الإرشاد فقالى إن المرشد كان متخيل إن الموضوع شهر ويخلص
يعنى مكنش متخيل إن الموضوع ممكن ياخد وقت ويفتح كلللللللل التساؤلات اللى قلتها فى مقالك

الموضوع من وجهة نظرى اتجاه ناحية خصخصة الجماعة أو لامركزيتها ودا صراع بقالى كتير ولسا موجود ولسا هيشتد
بمعنى إن الجماعة تنفصل عدة أجزاء يكون منها جزء سياسى وجزء تربوى وجزء دعوى وأخر خيرى

ملحوظة : أقصد بالصراع التدافع الفكرى الطبيعى فى أى منظمة أو مؤسسة

ودا فى وجهة نظرى بيحقق مميزات منها التخصص والفاعلية الشديدة بس ممكن ينتج عنه مشاكل منها التضارب وتحولها لعدة جماعات فيسهل على الأمن التعامل معها

المهم فى الأخر أنا باعتبر الفترة اللى احنا فيها والفترة الجاية فترة ثرية للغاية هيكون فيها حوار ملئ بالزخم ينتج عنه بعد عدة أعوام قرارات مفصلية فى تاريخ الجماعة ربما تغيير شكلها الحالى

والله أعلى وأعلم
أخوك عبدالرحمن رشوان

عبدالرحمن رشوان said...

أخويا وحبيبى محمود سعيد
بعد إذن الأخ محمد حمزة
بالنسبة لموضوع المرأة إزاى نسيبهم يتناقشوا فى الموضوع من غير منكون معاهم

يعنى مثلا عايزهم يتفقوا على حاجة وبعدين مراتك تقولك والله أنا خارجة دلوقتى عشان الحاجة الفلانية اللى انت مش عارفها فتقولها متخرجيش عشان شايف كدا

لكن لو دخلنا معاهم هنقدر جدا مشارعهم وتكون فى نفس الوقت تخدم الهدف الكبير

ومن الاخر غالبا اللى بيقرر هما الرجالة
يعنى عندك مكتب الارشاد مافيهوش ستات
ولو دخلو ستات هيكون بأمر الرجالة وفى نفس الوقت اخوان كتير هيخرجوا

Anonymous said...

والله ده موضوع حيوى جدا وفيه نقاط كتيرة معقدة هذ ه النقاط تؤدى الى نقاط اكثرتعقيدا زى موضوع المسيحين والاخوات الغير ملتزمات فى حالة مشاركتهم فى الحزب وفى راى يبقى فى انفصال مابين الجماعةوالحزب بمعنى الجماعة كيان والحزب كيان اخر وخاصة اننى الاحظ ان كثيرا من الاخوة والاخوات ليس لديهم القدرة على المشاركة فى الحياة السياسية

Anonymous said...

انا شايف ان المشكله مش فى حل الاشكاليات بتاعت الحزب المشكله عندنا فى اراده اخذ قرار فى نقاط فكريه فاصله بمعنى ان الاخوان خيفين يستقرو على رؤيا واحده علشان لا يحدث مشكله داخليه بين قيادات الجماعه وبعضهم لان احنا منذ 15 سنه عيشين بمواقف ميعا فى كتير من امورنا الفكريه علشان كدا احنا مزنوقين الان واقدر اقول انكشفنا عثمان

Anonymous said...

بداية تحية لكاتب التدوينة

سواء لاسئلته التحليلية

او حتى اختياره لعنوان التدوينة الذي يلخص كل الاسئلة

و ليسمحلي ان اجيب فقط عن السؤال الملخص


"الحزب تغيير مبادئ ولا إعلان مبادئ"

تكوين الحزب لابد ان يرافقه تغيير

لكنه ليس تغيير مبادئ .. و انما تغيير سياسات

و المبادئ يا سيدي لابد ان تكون عامة .. اما المبادئ التطبيقية التي ااشرت اليها

فهي مايمكن ان نقول عنها سياسات

كما يحدث منذ ولادة الجماعة

و هي تطوع سياساتها بما يتماشى مع الظروف السائدة

و لا ارى ان في ذلك مشكلة

المهم .. ان تبقى السياسات داخل اطار المبادئ

واحد من الإخوان said...

الأخ محمود سعيد
هو إحنا فعلا مارسنا حاجات مشابهة قبل كده
لكن ما أعلناش بشكل واضح عن قضايا كتيير شائكة
كن بنتجنبها لإنها مش محسومة داخليا بالنسبة لينا وجه الوقت اللي لازم نعمل إعلان واضح بخصوصها

الأستاذ خطاب
لو اخدنا بالرأي ده معناه إن الجماعة هتفضل موجودة
يبقى هنطرح الأسئلة تاني
ما دامت موجودة طب شكلها إيه
جمعية ؟؟
طب إيه علاقتها بالحزب ساعتها ؟؟؟

واحد من الإخوان said...

المهندس عبد الرحمن

هو فعلا في شد وجذب داخل الجماعة
عشان شكلها يتغير
وربنا يستر وما يكونش التغير ناحية المركزية مش اللا مركزبة

موضوع الأخوات
انا شايف إن إحنا محتاجين نغير نظرتنا للمرأة بشكل عام
واللي هي مرتبطة بتراث ثقافي غير موضوعي في المنطقة العربية

ولازم نفتح عينا على إبداعها الفكري وعقلها
وعلى إنها كيان له إستقلاليتة
مش مجرد تابعة للرجل

واحد من الإخوان said...

المجهول
شكر الله لك تعليقك
ومتفق معاك إن الكلام ده بيفتح ابواب كتيير مغلقة
لكن
موضوع إن فيناس في الجماعة ما لهمش في الجانب السياسي
ده كلام كويس
بس لو هيؤخذ على اساس توزيع المهام

الدكتور محمد عثمان

هو فعلا الإشكالية مش في الحزب
لأ
الإشكالية إن إعلان الحزب لازم يصحبة إعلان واضح من قضايا كتيير مؤجلة

الأستاذة منة

يا سلاام
بصراحة اكتر تعليق دخل في الموضوع مباشرة
وانا بقرا التعليق لقيت فيه تفهم كامل للهدف منه خاصة وإنتي يتؤكدي على علاقة العنوان بالتساؤلات
لإن اللي بيخلي التساؤلات دي ما لهاش إجابة او إجابتها مش واضحة
هو عدم وضوح الفرق بين المبدأ العام والسياسات التطبيقية

شكرا للجميع
ولنا عودة مع تعليقات جديدة أخرى

محمد حمزة

عاشقة الرحمن...سميه العريان said...

الكلام الى حضرتك ده جميل اوى
يعنى فعلا التساؤلات الى حضرتك سالتها دى بيسالها كل واحد فينا

والمشكله فى رايى ان فى فجوه كبيره بين احنا الشباب وقيادات الاخوان

واقترح ان احنا نعمل جسر تواصل بينا وبين القيادات عشان يقدرو يجاوبونا ويسمعونا كمان


وده ممكن يكون بصالونات و مناقشات مفتوحه بينا وبين القيادات

وتبقى جلسات ثابته ومش مره وخلاص

انا عن نفسى كلمت بابا فى انهم لازم يدخلو مدوناتنا ويشوفو رؤيتنا وتساؤلاتنا عشان يقدرو يجاوبونا عليها

وهو رحب مبدايا بس قالى يا ريت تبعتو التدوينات دى على الميل عشان يقدر يشوفها

وجزاكم الله خيرا

عاشقة الرحمن...سميه العريان said...

وبالنسبه لحكايه الاخوات واستقلالهم

ففى تجربه حيه قدامنا فى فلسطين

فى فلسطين هناك فى استقلال تام بين الاخوه والاخوات

وفى مكتب ارشاد مستقل للاخوات وكذلك شورى

وكل الناحيه التنظيميه موجوده بالكامل للاخوات منفصلين عن الاخوه

وانا اراها تجربه ناجحه ولكن بالنسبه لمصر ارى ان استقلال الاخوات يحتاج لبعض التاجيل ولان مستوى الاخوات الحالى لا يسمح باستقلالهم

فالاخوات محتاجه لاعداد لهذه المرحله بصوره كبيره



وشكرا

واحد من الإخوان said...

أستاذة سمية العريان ( عاشقة الرحمن )

بالنسبة للتعليق الأول
بصراحة كلام جميل جدا وانا معلق علية على المدونة الجميلة بتاعتك

بالنسبة لموضوع الأخوات

فعلا في تجارب كويسة
لكن انا شايف إن التجارب دي تنفع
زيها واحسن منها في مصر
لأن مستوى الأخوات عندنا مناسب للإستقلال ده
هو مش في كل المستويات
لكن لو اخدنا شريحة معينة هتلاقي الرؤية إختلفت تماما

وشكرا على تعليقاتك الثرية

محمد حمزة

None said...

فعلا حضرتك حاطت اسئله كتير
وزى مقال محمود فى حاادت مجاب عنها فى ديننا

بس فى فعلا بقى نمطيه التمسك بالوساءل على انها اهداف

بس ان امن راى انه بلتجربه الاخوه هتعرف تتعامل وهتعرف تتماشى مع الواقع
ومش لازم الخوف ده قوى
وبوست جميل
انا عارف ان ردى مختصر
بس
ياريت يكون مفيد
وسلاااااااام

واحد من الإخوان said...

الأخ مصطفى "فنان جيولوجي

هو فعلا المختصر المفيد
وبالنسبة لموضع إن في حاجات فيها افكار إسلامية
فدي حقيقة
لكن ليه إحنا كا نتبناهاش في إعلان رسمي واضح ؟؟؟

وشكرا لك على الزيارة

محمد حمزة