انا بدرس فى دبلومة عن المجتمع المدني فى إقتصاد وسياسة وكنت فى مرة بتناقش مع جماعة زمايلي فى الدبلومة
فأحد الزميلات سألتني سؤال مهم فى وسط النقاش
إنتوا كإخوان عاوزين إيه ؟؟؟؟؟؟؟؟
بصراحة السؤال جميل جدا لكنه عميق اوي وبيعكس الواقع اللي اتكلمنا عنه قبل كده وهو ان الناس مش قادرة تحدد إحنا إيه بالظبط
والأخطر لو إحنا كإخوان ما اجبناش بوضوح وسهولة على السؤال ده
هنجاوب مع بعض على السؤال و على اساس شقين رئيسيين
اولا الإخوان فكريا عاوزين إيه؟؟؟؟؟؟؟؟؟
يعني إيه الفكرة الرأيسية اللي هم بيسعوا وراها
ثانيا الإخوان هينفذوا الفكرة اللي هم بيسعوا لها دي إزاي ؟؟؟؟؟؟؟
يعنى هنتكلم عن وسائل الإخوان ومنها هنكلم على الشكل التنظيمي للجماعة
ولكن في مشكلة وهى ان الإخوان كتنظيم بيقابلة مشاكل امنيه يعني مش هنقدر نتكلم عن الجماعة من الداخل بنسبة %100
لكن النسبة اللي مش هنقولها هي النسبة اللي بتحتوي على الأسماء
انا عارف المخاوف الأمنية اللي عند البعض من الكلام عن الجماعة من الداخل
وبصراحة الأمن عندنا شيء لا يطاق واشبه ما يكون بعصور الظلام فى اوربا
لكن إحنا هنتكلم فى حاجات الأمن عارفها والناس ما تعرفهاش
يعني مثلا انا كنت فى مركز الدراسات الإستراتيجية للأهرام وإشتريت كتب عن الإخوان ولقيت ان في حاجات تنظيميةكتير مذكورة وواضحة
لكن للأسف الناس ما تعرفهاش
وزي ما إتكلمنا قبل كده إن طول ما الناس ما عندهاش رؤية واضحة عن الإخوان يبقى هيصدقوا اي حاجة تتقال عن الإخوان
ومش بس مشكلة الأزهر لأ ده هتبقى فى مشاكل كتير
حلها إن الناس تعرف الإخوان كويس
لذلك اتمنى إن اللى هيتكتب ينقل صورة عن واقع الإخوان
ويلا مع بعض نجاوب على السؤال الهام
الإخوان عاوزين إيــه ؟؟؟؟؟؟؟؟؟
6 comments:
الموضوع من حيث المبدأ جميل لكن هتلاقي نا س كتير من الإخوان مش هيعجبهم الكلام ده لأن الإخوان إتعودوا على سرية حجات معينة
لكن على كل حال هي فرصة كويسة للناس تتعرف احسن على الإخوان من الإخوان مش من غير الإخوان
اتمني يا محمد تقابلني على المسينجر انا اضفتك عندي
انا واحد من الإخوان زيك يا محمد
انا بأيدك فى طريقة تفكيرك
بس ارجوك خلي بالك للكلام ياخدك
وتلاقي نفسك قايل اسرار لأمن الدولة ما كانش يحلم بيها
واضح انك فارد صدرك اوي
ربنا يوفقك ويسترها على اللي هتقولوه
على فكرة إنت هتقابلك مشاكل مش مع الأمن بس ؟؟؟
هتقابلك مشاكل مع الإخوان كمان !!!!! وربنا برده يسترها
انا هضيفك عندي على المسينجر زي سامح
بس مش هضيف إسمي فى المدونة بتاعتك
ولا الإميل وما تفهمنيش غلط
سلام مؤقتا
توقيع
برده واحد من الإخوان
انا شاكر ليكم اوي يا جماعة على اراءكم
بس انا زي ما قلت ما فيش داعي للقلق
الحاجات اللي هنتكلم فيها دي حاجات معروفة
بس مش واصلة للناس
واي حد يحس ان الكلام خرج عن سياق المعقول يضيف تعليقة عشان في الاخر نوصل للشكل الواقعي والموضوعي للإخوان
وانا بشكر صاحب التعليق اللي فات على إضافتة
بس بقول إيه المانع ان الحوار اللي هيكون على المسينجر يكون على المدونة
حتى عشان اللي يدخل ما يحسش ان فيه حاجة سر
السلام عليكم يابشمهندس
اولا الف مبروك على المدونه
انا سعيد جدا بالكتابه التى تتسم بالبساطه دون تكلف وذالك يفيد المتصفحين للمدونه
ونحن بانتظار كتاباتك المشوقه وارجو ان تتكلم عن المجتمع الداخلى للاخوان
بشكل متوسع لكى يعرف الكثير من الناس عن هذا الجزء المظلم الذى لا يعلم عنه احد
والسلام عليكم
عبدالحكم
بصراحة انا ليا رأى فى حركة الاخوان المسلمين .. طبعاً هما نشاطهم واضح وبيعجبنى أوى عندنا فى جامعة القاهرة وببقى مبسوطة وانا ماشية جمب كلية دار علوم او تجارة ومكتوب شعارات عن التفوق والحب فى الله والطاعة ومعانى جميلة اوى .. بس بضايق انها طالعة من حركة او جماعة
الدين هو الدين واحنا كلنا مسلمين ... هل معنى انى ضد سياسات الاخوان المسلمين إنى مش مسلمة او مش ملتزمة او مش ماشية على شريعة ربنا؟
وهل معنى إنى مش معاهم ابقى مش مسلمة برضه؟
حاسة إن الحركة بتسبب فرقة اكتر بين المسلمين فى وقت احنا فى اشد الحاجة فيه للوحدة
عارفة إن الكلام ممكن يكون صادم لناس كتير بس هى دى الحقيقة وده رأيي أولا واخيرا
على اى حال زى ما قلت كلنا مسلمين
واتمنالكم الخير والتوفيق والرشد
اللهم آمين
سلام عليكم
酒店經紀 酒店小姐 酒店經紀公司
台北酒店工作 台北酒店經紀人 酒店兼差 酒店兼職 酒店公關 酒店上班 台北酒店上班 酒店打工 酒店工作內容 酒店pt 台北酒店 便服店 禮服店 酒店 酒店工作 酒店上班時間 酒店上班薪水 酒店上班內容 現領 當日領
打工兼職 打工兼差 酒店營業時間
酒店經濟 酒店面試
酒店經紀 酒店打工 酒店工作 酒店上班 酒店兼差 酒店兼職 打工兼差 打工兼職 台北酒店 酒店應徵 禮服店 酒店 經紀 打工 兼差便服店 台北酒店經紀 酒店薪水 酒店工作內容 酒店時間 酒店經濟 美式餐廳 台北咖啡廳 永康街咖啡廳
2015/08/26
Post a Comment